Երեւանի ավտոմոբիլային գործարանի պատմությունն իր սկիզբն է դրել 1964 թվականի դեկտեմբերի 31-ին, երբ Հայկական ԽՍՀ Նախարարների Խորհրդի թիվ 1084 կարգադրությամբ ընդունվեց որոշում “Երեւանում կառուցվող “Ավտոբեռնիչ” գործարանի մասնաշենքերի բազայի վրա 0,8_1 տոննա բեռնատարողությամբ ավտոմեքենա-ֆուրգոնների թողարկման գործարանի կազմակերպման մասին”:

Նույն կարգադրությամբ տնօրենի պաշտոնակատար նշանակվեց փորձառու ղեկավար Գեորգի Ռուսովը, որը Չարենցավան քաղաքի գործիքների գործարանի եւ Ցենտրոլիտ գորխարանի տնօրենը: Նրա գործունեության ընթացքում կազմակերպվեց գործարանի շինարարության մեկնարկը, 1965 թվականի ընթացքում ստեղծվեց կոլեկտիվի առաջին կորիզը եւ 66 աշխատողներ ուղարկվեցին սովորելու Ռիգայի եւ Ուլյանովսկի ավտոմոբիլային արտադրության ձեռնարկություններում: Կառուցվեց առաջին արտադրական կորպուսը, հավաքվեցին առաջին հաստոցները, մշակվեցին առաջին դետալները:

1965 թվականի սեպտեմբերի 10-ին ՀԽՍՀ Նախարարների Խորհրդի թիվ 795 կարգադրությամբ որոշվեց “Կառուցվող ավտոբեռնիչների գործարանը այսուհետեւ անվանել Երեւանի ավտոմոբիլային գործարան`

Զավեն Աբրահամի Սիմոնյան

(գործարանի առաջին տնօրեն, 1966- 68թթ.)

1966 թվականին տնօրեն է նշանակվում Հայկ. ՍՍՀ ԺՈՂՏՆՏԽՈՐՀ-ի մեքենաշինության վարչության պետ Զավեն Աբրահամի Սիմոնյանը, որի ծառայողական կենսագրության մեջ տեղ են գտել Մոսկվայի եւ ԳԴՀ-ի տարբեր ինստիտուտների եւ ձեռնարկությունների ղեկավար պաշտոններ: Նրա անվան հետ են կապված գործարանի հզոր կարողությունների յուրացումը, գլխավոր պլանի ստեղծումը եւ կապիտալ շինարարության ֆինանսավորման հիմնավորումը: Նրա ղեկավարության ընթացքում յուրացվեց ավտոմեքենաների առաջին խմբերի թողարկումը, ստեղծվեցին հզորություններ տարեկան 2500 սերիական ավտոմոբիլների թողարկման համար, եւ թողարկման ծավալը հասցվեց տարեկան 1000 հատի:

Ստեփան Իվանի Ավանյան

(գործարանի տնօրեն 1968- 1973 թթ.)

Նրա տնօրինության ժամանակ գործարանում կատարվեց առաջին վերակառուցումը եւ ստեղծվեցին արտադրական հզորություններ` տարեկան 6500 հատ ավտոմեքենա թողարկելու համար:
Թողարկվող արտադրանքի ծավալը 1968թվ. հասավ 65010 հատի: Ավարտվեց թափքի եւ հավաքման արտադրամասերի կապիտալ շինարարությունը: Ապահովվեց հիմնական սարքավորումների ձեռքբերումը: Այդ ժամանակահատվածում շահագործման հանձնվեցին չորս բնակելի տներ:

1971 թվականին գրծարանի կոնստրուկտորները սկսել են ԵրԱԶ- 3730 մակնիշի ավտոմեքենաների նոր սերնդի ստեղծման աշխատանքները:

1972 թվականին բարձր տեմպերով առաջ են ընթանում մամլիչա-թափքային արտադրամասի երկրորդ մասնաշենքի շինարարական աշխատանքները:
Առաջին վերակառուցումից անմիջապես հետո սկսվում են նաեւ երկրորդ վերակառուցման աշխատանքները` տարեկան 120000 հատ ավտոմոբիլներ արտադրելու համար արտադրական հզորություններ ստեղծելու նպատակով:
1972- 1975 թթ.` ընթանում է հավաքման գլխավոր կախովի-հրող հարահոսի մոնտաժումը (մշակված Մինսկում), որը երկրորդն է ԽՍՀՄ-ում: Այդպիսի առաջին հարահոսը նախագծվել, պատրաստվել եւ մոնտաժվել է իտալական ՙՖիատ՚ ֆիրմայի կողմից` Տոլյատի քաղաքի վոլգյան ավտոմոբիլային գործարանում:

Ալբերտ Հայրապետի Դանիելյան

(գործարանի տնօրեն 1974-1980 թթ.)

Նրա տնօրինության ընթացքում գործարանում ավարտվեց սարքավորումների մոնտաժումը եւ շահագրծման հանձնվեց մամլիչա-թափքային արտադրամասի մասնաշենքը, կատարվեց հիմնական արտադրական արտադրամասերի երկրորդ վերակառուցումը, որը հնարավորություն տվեց արտադրական հզորությունները հասցնել տարեկան 13000 հատի: Գործարկվեց գլխավոր հարահոսը, սկսվեց ԵրԱԶ 3730 նոր մակնիշի ավտոմոբիլների տեխնոլոգիական նախապատրաստական աշխատանքը: Թողարկվող արտադրանքի ծավալը տարեկան 7000 հատից հասցվեց տարեկան 100000 հատի:

ՆՈՐԱՅՐ ԱՏՈՄԻ ՀՈՎՍԵՓՅԱՆ

(միավորման գլխավոր տնօրեն 1980-1983թթ.)

Նրա ղեկավարության ընթացքում ավտոմոբիլների թողարկումը 10000 հատից հասավ 11200 հատի:
Իրականացվեց ավտոբեռնիչների առանձին դետալների եւ օղակների տեխնոլոգիական նախապատրաստումն ու յուրացումը: Ընթանում է ներկման արտադրամասի վերակառուցումը: Մոնտաժվում են ներկման եւ չորացման նոր խցիկները, կախովի-հրովի հարահոսների համակարգերը:

Ջիմ Զավենի Աբրահամյան

(միավորման գլխավոր տնօրեն 1983 թվականի հուլիսից մինչեւ 1983 նոյեմբերը)

Նրա ժամանակ ակտիվացան ԵրԱԶ-3730 ավտոֆուրգոնների եւ եւ նոր մակնիշի ավտոբեռնիչների արտադրության տեխնոլոգիական նախապատրաստական աշխատանքները:

Վլադիմիր Գալուստի Ներսիսյան

(գործարանի տնօրեն 1983-1988թթ.)

Նրա աշխատանքային գործունեության ընթացքում իրականացվում են ԵրԱԶ-3730 մակնիշի նոր տեսակի ավտոմոբիլների տեխնոլոգիական նախապատրաստման, վերակառուցման, արտադրական հզորությունների ստեղծման եւ արտադրության յուրացման աշխատանքները: 762 Վ ավտոմոբիլների թողարկման ծավալը տարեկան 12000 հատից հասնում է տարեկան 16000 հատի:

1984-1987 թվականներին վերակառուցվում է թափքերի հավաքման-զոդման արտադրամասը: Մոնտաժվում են ԵրԱԶ-3730-ի թափքերի զոդման գծերը եւ կախովի հրման հարահոսների համակարգերը 3,5 կմ երկարությամբ:

Ավարտվում է մամլիչային արտադրամասի վերակառուցումը:

1984թվ. ԵրԱԶ-ի եւ Լյուբինսկի ավտոմոբիլային ՙԺուկ՚ գործարանի (Լեհաստան) միջեւ համագործակցութան մասին պայմանագիր է կնքվում:

1986 թվականին ԵրԱԶ- 3730 ավտոմոբիլների բազայի վրա պատրաստված ԵրԱԶ-37301 ավտոֆուրգոնը` իզոթերմիկ թափքով, գործարանի պատմության մեջ առաջին անգամ ցուցադրվում է արտասահմանում` Պոզնան (Լեհաստան) քաղաքում կազմակերպված միջազգային ցուցահանդեսում:

ԵրԱԶ-3730-ի թափքերը գլխավոր հավաքման հարահոսում