Հարգելի այցելուներ.

Ջեր առջեւ Հայաստանի տարածքում միակ ավտոարտադրող ձեռնարկության` Երեւանի ավտոմոբիլային գործարանի (ԵրԱԶ) ոչ պաշտոնական ինտերնետ-կայքն է:

Ստեղծելով այս նախագիծը Auto.am-ի շրջանակներում, մենք նպատակ չէինք հետապնդում ուշադրությունը սեւեռել այն պատճառների վրա, որոնցով գործարանը չի աշխատում արդեն 6 տարի. դա մեծամասամբ պայմանավորված է այն անբարենպաստ քաղաքական եւ տնտեսական պայմաններով, որոնցում հայտնվեցին ոչ միայն ԵրԱԶ գործարանը, այլեւ Հայաստանի ողջ տնտեսությունը Խորհրդային Միության փլուզումից անմիջապես հետո:

Մենք փորձել ենք հակիրճ ներկայացնել ձեզ Հայաստանում արտադրված միակ ավտոմեքենայի ստեղծման պատմությունը եւ զարգացման փուլերը;

Մենք տեղեկություններ էինք փնտրում ԵրԱԶ-ի մասին ինտերնետում, սակայն մատչելի տեղեկատվությունը քիչ էր եւ ուներ անճշտություններ: Auot.am-ը որոշեց լրացնել այդ բացը եւ ձեր ուշադրությանն է առաջարկում www.yeraz.auto.am ինտերնետ նախագիծը:

Մենք շնորհակալություն ենք հայտնում ԵրԱԶ-ի գլխավոր տեխնոլոգ Ռոբերտ Առաքելյանին տրամադրված տեղեկատվության եւ ինտերնետ-կայքի ստեղծման ընթացքում ցուցաբերած աջակցության համար:

Մենք հույս ունենք, որ այս նախագիծը հետաքրքիր կլինի այցելուներին, որոնք հետաքրքրվում են հայկական ավտոոմեքենաշինության եւ, մասնավորապես, ԵրԱԶ ավտոմեքենաների պատմությամբ:

Եւ մենք հույս ունենք նաեւ, որ ապագայում Հայաստանում կվերսկսվի ավտոմեքենաների արտադրությունը:


  Supported by
Automotive Armenia